DER BIGGI IHR BLOG

Ich werd immer blöder

Es is die ledsdn Douch su schö worm und summerlich, dessich die Leud nedd genuch beschwern könna. Ze denna khör ich obber nedd. Werd nedd lang dauern und dann schimbfm sa widder, wall es ze noss und kôld is.
Wie ich heud ausm Kino kumm, seddsich mei Sunnabrilln auf und marschier hamm.
Gleich nouch der Underführung überhulld mich a Rôdfoherer mid su ann Karacho auf mein Gehsdeich, dessich na gleich a freundlichs "Du Droddl" hinderher schrei.
Dann in der Gummisdross kummd die Sunna ve vorna und ich hobb Nullkommanix einen ruudn Kubf grichd. Be der Broudwoschdbuudn ven Gleinheinz (kanna zwaahunderd Meder ve mein Eingongsdoehr) deng ich, wennsda heud middn Foehrroud gfoehrn wärsd, dann wärsda scho lang dahamm.

UND DANN ISSMER EIGFALLN, dessich heud Middoch doch middn Roud auf die Ärberd bi...

Biggi