DER BIGGI IHR BLOG

Gewichd

Wenn mich die Leud a Zeidlông ned gsäing homm, dann mahna sa sa immer:
"Mensch, du hosd obber ôhgenumma".
Woss nuch nie der Woerheid endsbrochn hodd!
Ich kumm ja kaum nuch in meina Klamoddn nei und grich kann Reißverschluss mehr zu. Mei Wouch räichd mich a scho lang auf, wenn es haasd, dessich 55% Körberfedd hädd. Dess ko ja ned sdimma! Wie solldn su a Mensch ausschaua?
Heud hou ich mer ben Aldi a neua KÖRBERFEDDWOUCH kaafd.

Alles brima, billich woer sa a, obber sie gedd hald nedd gscheid.
Wall immer wenn ich mich drauf sdell, dann dauerds ned lang und es haasd: ERROR

Eds hobbich Angsd, dess dess mid die 55% velleichd doch sdimmd und dess Geräd is auf solcha Werde goer ned eigerichd?

Dess wenn ned annerschd werd fang ich velleichd nuch es dschoggn ô?

Biggi