Willkommen auf meiner Webseite!
Weil wir daheim als Kinder hochdeutsch reden mussten, kam ich erst spät zum Dialekt.
Das ist nun meine verspätete Rache.
DER BIGGI IHR BLOG
Zurück zur Übersicht
18.07.2025
Amoll widder saura Linsn...
Gesdn wolld ich mir a boer Linsn khochn.
Meiner woer verreisd, die Khinner senn scho lang ausgezuung und ich hobb ann Dubf aufgsedsd, dessda dengsd ich khoch fer die gansa Lufdhansa. Die Linsn senn aufganga, dess iss immer merrer woern und ich mussd dauernd Wasser nouch gießn. Dann solld ja ah nuch dess Gemüs nei.
Also, ich woer scho fruh, dessich su ann grußn Houfm genumma hou. Ich hobb gedochd, dessich dess hald dann eifriern muss, wall allah kho ich dess ja ô fünfm Douch nedd essn. Dann hobbich gerösda Zwiebln drüber und a bissla a Einbrenn gemachd. Wie ich alles nuch amoll aufkoch, schelld dess be mir und der Mondör khummd, auf denn ich scho gewardd hou.
Ich gi mid na nein Kheler und zeich na alles. Dann hommer aweng gewaafd und wie ich denouch die Drebbn widder nauf gi, hou ich gedochd - es brennd!
Ich hobb soford mei Nochbera im Verdochd khobbd und wolld scho be ihr läudn. Dou merg ich, dess dess ve uhm khummd, ve meiner Wohnung!
Wedder nei, dia Linsn senn in der khorzn Zeid fasd ze Khole woern. Dou woer nix mehr ze reddn.
Ich hobb merr dann a boer Rühreier gemachd, hodd scho gschmeggd, bluß der Geruch in der Wohnung hodd aweng gsdörd.
Zurück zur Übersicht